Category Archives: Loan

G.Y.M. Seminar: Collective Investing

Taking advantage of the muscle instead of doing your own hustle is essense of collective investing. By pooling of resources, one gets and should get benefits that one will not get if one stands or invests alone. BAKAS is a common term and action among Filipinos similar to BAYANIHAN. In personal investing; BAKAS or BAYANIHAN or pooling; collective investing is almost but a must.

CollectiveInvesting09192015

 

 

Learn similarities and differences and what is right for you among

  • Mutual funds

  • UITFs

  • Insurance-linked investments via VULs and others.

  1. Investing Basics & Rules

  2. Collective Investing: What, Why & How

  3. Types of Collective Investing: Which One(s) For You?

    • Mutual Funds

    • Unit Investment Trust Funds

    • Insurance-Linked VULs

    • Others i.e. coops?

  4. Investment Strategies

  5. Where to Invest?

Mutual Funds

Unit Investment Trust Funds

Insurance-Linked VULs

Others i.e. coops

Join us this September 19, 2015, Saturday, 9am to 12nn or 2pm to 5pm!

LEARNING FEE: PhP 4,000.00

For more information please call:

 Ms. Gilda Bumatay

(+63) 917-863-2131

(02) 6373741 or 31

or Email us at: training@colaycofoundation.com

 

Pera Mo Palaguin Seminar on Aug. 15, 2015

Pera Mo Palaguin Mo Seminar on August 15, 2015 ay gaganapin sa aurumOne hotel, Makati. Ito Ang iyong gabay sa legal at tamang pamamaraan ng pagpapalago ng pera.

PeraMoPalaguinMo_Poster

Wag Mag pahuli! Magparehistro na! Tumawag lamang sa  637.3741 o magtext sa 0917.863.2131.

Para sa karagdagang impormasyon tumungo lamang sa www.colaycofinancialeducatiom.com

See you there!

 

 

Pera Mo Palaguin Mo! Public-service Radio Program

Makinig, Magtanong at Matutong magpalago! sa DZXL558-Pera Mo Palaguin Mo

FJC&AQB_PMPFBFBBanner2015

 

 

 

 

 

Pera Mo, Palaguin Mo! Radio Public-service program is hosted by Francisco J. Colayco and co- hosted by Mr. Armand Bengco. The show is an hour long learning program that focuses on the 5 fianancial activities of an individual(earning, planning, saving, investing, spending).

Pera Mo Palaguin Mo! airs every Monday 11:00am – 12:00nn in Radio Mindanao Network’s DZXL558.

Watch Via Livestream

Like Us on Facebook

 

 

 

Ibenta ang Hindi Kailangan

ni: Francisco J. Colayco

*unang lumabas sa Bulgar noong ika-2 ng Marso, 2013

Sanay tayong lahat sa ating paraan ng pamumuhay. Kung may mangyayaring malaking pagbabago, hindi madaling masanay sa bagong kalagayan. Lalo na kung pera ang pag-uusapan.

Kung dati kang mahirap, at nagkaroon ka ng maraming pera, kailangan mong baguhin ang pamumuhay. Magandang pagbabago ito dahil mas marami ka nang pera kaysa dati, pero makakaapekto pa rin ito sa pang-araw-araw na buhay.  Halimbawa, baka hindi mo magawang gumastos nang husto kahit may pera ka na. Maganda ito dahil mas malaki na ang maiipon mo kaysa dati. Kailangan mo itong tandaan.

 

Sa kasamaang palad, ang mga taong nakaranas ng biglang yaman dahil nanalo sa lotto ay hindi sumusunod sa prinsipyong “Kita – Ipon = Gastos.” Kadalasang nauubos agad ang napanalunang pera dahil hindi naman nila iyon pinaghirapan at hindi nila naiintindihan ang halaga niyon.

 

Mas nakakalungkot kung dati kang may pera ngunit nawala ang lahat ng yaman mo. Tiyak na magiging mas mahirap ang pagbabagong haharapin. Kalimutan na muna ang kaginhawaan at karangyaan ng nakaraan. Kailangan mong harapin ang kasalukuyan at mamuhay nang angkop sa iyong kakayahan.

 

Kung may mga utang ka na mahirap bayaran gaya ng credit card, kailangan mong harapin ang katotohanan at isipin kung saan kukuha ng perang pambayad. Sa puntong ito, maghanda kang ibenta ang kahit anumang pag-aari mo. Isipin nang mabuti kung ano ang pwede mong ibenta para mabayaran ang utang. Posibleng gustuhin mo na maging optimistiko at maghintay na lang tutal maaayos din ang lahat. Pero sa katunayan, bawat araw na nagdadaan, lumalaki ang utang mo dahil hindi tumitigil ang pagpatong ng interes at mga multa.

Huwag nang mag-atubili at ilista lahat ng mga pag-aari mo. Maghandang ibenta ang mga pag-aari na hindi nagagamit o hindi nagbibigay sa iyo ng kita. Maging pursigido sa pagbenta ng mga pag-aaring ito at gamitin ang cash para bayaran ang utang.

 

Siyempre, mas mainam kung magagamit mo ang pag-aari para kumita ng pera imbes na ibenta iyon. Halimbawa, kung may kotse ka at may utang ka, pwede mong iparenta ang kotse para bayaran ang utang. Pero kung masyadong malaki ang utang at hindi makakatulong nang husto ang kita mula sa pagpaparenta ng kotse, mas mabuting ibenta na agad ang kotse. Mababawasan na ang utang mo, titigil pa ang deteryorasyon ng kotse.

Bisita na sa www.colaycofoundation.com para sa schedule ng seminars ng Colayco Foundation!

Pagkakataon Na Nakakasama at Nakakabuti Ang Mangutang

Hindi nga ba kailangang mangutang ng mga mayayaman?

Isa ba ito sa mga dahilan kaya gusto mo yumaman? Totoong may mga mayayaman na hindi nangungutang. Pero sa katunayan, mas malakas mangutang ang karamihan sa mga mayayaman. Gaya ng ipinaliwanag ko sa Ikawalong Utos ng Pera Palaguin, maaaring palaguin ang yaman sa pamamagitan ng “Leverage” na tinatawag rin bilang “magandang uri ng utang.”

Kung lubog ka sa utang at hindi mo kayang magbayad, posibleng dinulot ito ng maling paghawak ng personal na pera. Kung sa tingin mo ay nagsimula ito sa isang gastos na dinulot ng hindi inaasahang pangyayari (o emergency), usisain ang dahilan na iyon. Matatawag ba talaga iyon bilang “hindi inaasahang pangyayari” o “emergency”? Kung pambayad ng tuition ang dahilan (gaya ng nangyayari sa marami), tandaan na ang tuition ay hindi maituturing bilang “hindi inaasahang pangyayari.” Pinag-iipunan mo ito dapat bilang bahagi ng buwanang budget.

 

Kung dulot ito ng health emergency, napaghandaan mo na iyon dapat kahit papaano sa pamamagitan ng isang uri ng medical health insurance.

 

Kung umutang ka dahil nawalan ka ng trabaho, tandaan nakapaghanda ka na dapat ng emergency fund na katumbas ng anim na buwan ng kita.

Kung umutang ka para bumili ng kotse o bahay at sa kalaunan ay natuklasan mo na hindi mo pala iyon kayang bayaran, ibig sabihin ay hindi  mo inalisa nang husto ang iyong pinansiyal na kondisyon sa kasalukuyan at sa hinaharap.

 

Nagdadala dapat ng pera sa iyong bulsa ang utang. Kung nagbabayad ka sa iyong mga loan, dapat lamang na nagdudulot ang mga loan na iyon ng karagdagang kongkretong pag-aari sa iyong kamay. Kung kakailanganin mong maglabas ng pera para bayaran ang iyong mga utang kahit na wala ka namang  nakukuhang benepisyo bilang kapalit, ibig sabihin lang nito na nababawasan ang iyong ipon o ang iyong kasalukuyang kita para mabayaran ang mga bagay na binili mo. Karaniwang hindi maganda ang ganitong klaseng pangungutang. Kung napakayaman mo talaga, hindi masama na mabawasan ng kaunti ang limpak-limpak mong pera dahil sa maling uri ng pangungutang.  Pero siyempre, hindi ganito ang kaso sa karamihan ng mga Pilipino.

 

Kung gusto mo talagang itigil ang maling uri ng pangungutang, kailangan mong panghawakan nang maigi ang iyong buhay pinansiyal.   Ang unang hakbang ay bigyan ang sarili ng  pinansiyal na edukasyon. Baka isipin ninyong gusto lamang nating ibenta ang mga libro at seminar ko. Pero sa katunayan, napakalaking tulong niyon. Libu-libo o higit pa ang nagpatotoo sa amin na malaki ang pagbabago sa kanilang buhay na idinulot ng tamang desisyon na pag-aralan ang buhay pinansiyal at ng kanilang determinasyon na isagawa ang kanilang mga natutunan

Hindi pa huli ang lahat kung gipit na ngayon sa utang. May mga paraan para makawala. Kailangan mong maglaan ng panahon, pagsisikap at kaunting pera para bigyan ang sarili ng pinansiyal na edukasyon. Hindi sapat na sumulat sa amin para lang humingi ng payo.  Pitong libro na ang naisulat ko para lamang magbigay ng payo. Hindi sa iyo mabibigay ng isang maiksing email ang kumpletong payong kailangan mo.

Maging miyembro ng One Wealthy Nation para makatanggap ng marami pang materyal para lumawak ang iyong pinansiyal na kaalaman! Bisitahin ang www.onewealthynation.com para sa karagdagang detalye.

Benefits of Borrowing Money

Check out this guesting we had at Home Page.Mr. Armand Bengco, the Executive Director of Colayco Foundation, debunks the myths about debt, and enlightens the public on the benefits of debt.

Want to watch more videos on personal finance? Pisobilities.TV is your new hang-out for the best and latest videos on personal finance. Register now and give yourself an upgrade in your knowledge on personal finance. Visit www.pisobilities.tv for more info!

Lubog sa Utang Dahil sa Negosyo

ni: Francisco J. Colayco

Unang lumabas sa Bulgar noong Oktubre 13, 2012.

Kung panaghihinaan ka na ng loob dahil nalulugi na ang negosyo mo, kailangan mong suriin nang maingat kung ano ang pinakamainam na estratehiya na susundin mo. Uulitin ko na hindi ka humantong sa sitwasyong iyan sa isang iglap lang kaya naman kailangan ang panahon, pasensya, at determinasyon para maitama ito.

Para sa artikulong ito, ipagpalagay nating personal na negosyo ang pinag-uusapan, o sa ibang salita, isang negosyo na pinaglaanan mo ng sariling pera. Malamang ikaw rin ang nagpapatakbo nito gaya ng maraming may personal na negosyo. Malamang hindi hiwalay ang pagtrato mo sa iyong pera at sa pera ng negosyo mo. Malamang hindi mo rin binabayaran ng suweldo ang sarili mo. Ang mga nabanggit ko siguro ang dahilan kaya naman personal kang nasa peligro dahil lamang sa nasa peligro ang iyong negosyo.

Ang unang pwede mong gawin ay gumawa ng dalawang hiwalay na Statement of Assets and Liabilities and Net Worth (SALN) – isa para sa iyong negosyo at isa para sa iyong personal na pag-aari at pera. Sa paggawa ng SALN ng negosyo mo, kailangan mong alamin kung magkanong personal na pera ang nilagay mo sa negosyong iyon. Ang perang ito ay dapat maisama sa bahagi ng Liabilities o Net Worth ng SALN ng negosyo mo.

Suriin kung may kinabukasan pa ang negosyo o wala na. Tingnan ang iyong produkto, and tubo, and lokasyon, ang mga kakumpitensya, at personal na dedikasyon sa negosyo mo. Kung mukhang hindi maganda ang kinabukasan ng ilan sa mga nabanggit kong aspekto ng negosyo mo, ikonsidera na ibenta na lamang ang negosyo o kaya’y isara ang negosyo sa lalong madaling panahon. Sa maraming pagkakataon, ang personal na dedikasyon ng nagpapatakbo ng negosyo ang dahilan kung bakit hindi nagtatagumpay ang negosyo. Baka hindi mo naman talaga alam ang negosyo na pinasok mo, o kaya naman, part-time mo lang ito inaasikaso, at iniiwan mo lang ito sa ibang tao na wala namang malasakit sa negosyo mo. Baka naman hindi ka kumikita kasi masyadong maliit ang tubo mo.

Sa pagsusuri sa SALN ng negosyo mo, tingnan kung alin sa mga pag-aari nito ang pwede mong ibenta. Subukang kunin ang pinakamagandang presyo sa mga iyon, kahit na magbenta ka nang medyo palugi. Siyempre, hindi priyoridad na mabayaran ang utang na “ipinahiram mo” sa iyong sariling negosyo.

Kung hindi sapat ang perang kikitain mula sa pagbebenta ng mga pag-aari ng negosyo, tingnan rin ang iyong personal na SALN at idaan din ito sa parehong proseso.

Kung magpasya ka ulit na magtayo ng negosyo, siguruhin na ihiwalay ang pera ng iyong negosyo at personal mong pera. Mas mainam na magbayad ang negosyo ng regular na suweldo sa lahat ng nagtratrabaho dito. Nakakatulong ito para malaman kung magkano talaga ang kinikita ng negosyo. Kung kukulangin ng pera ang negosyo kung sakaling bayaran ang mga nagtrabaho dito, senyales na ito na hindi maganda ang takbo ng negosyo.

Magpasyal sa www.colaycofoundation.com para sa karagdagang kaalaman.

 

Lubog Sa Utang

ni: Francisco J. Colayco

Unang lumabas sa Bulgar noong Oktubre 11, 2012.

Paano papayuhan ang ang mga lubog sa napakalaking utang (personal man na utang o utang sa negosyo)? Ano ang karaniwang pinakamagandang gawin kung lubog sa utang o mga pinansiyal na obligasyon?

Sa kasamaang palad, napakaraming tao ang lubog sa utang. Napakaraming tao ang sumusulat sa amin para humingi ng tulong. Base sa mga sulat nila, parang iniisip nilang maaayos namin agad ang problema nila. Nakakalimutan nila na hindi sila nalubog sa utang sa isang iglap lang, kaya naman hindi rin mawawala ang problema nila sa isang iglap. Mahirap na proseso ito at kailangan ng tiyaga at determinasyon para makaahon mula sa mga utang at dapat na simulan ito sa lalong madaling panahon.

Ang utang sa credit card ang karaniwang pinakamalaking pabigat, sumunod lang dito ang lubos na pagkalugi sa negosyo. Parehong nakakapanghina ng loob ang dalawang nabanggit na dahilan pero huwag mawalan ng pag-asa dahil hindi kayo nag-iisa sa ganitong problema.

Ang laging unang hakbang ay alamin kung ano ang iyong kalagayang pinansiyal. Kailangang gumawa ng iyong Statemeng of Assets and Liabilities and Net Worth (SALN). Sa mga libro ko, tinawag ko itong SAL pero pareho lang ito sa SALN, na siyang kailangang isumite ng bawat opisyal ng pamahalaan. Naging matunog ang SALN sa publiko noong panahong nililitis ang ating dating Punong Mahistrado.

Maging obhektibo sa pagsusuri ng mga pag-aari mo. Itanong sa sarili kung alin sa mga pag-aari o gamit mo ang hindi mo naman ginagamit o hindi mo naman kailangan. Huwag magpapaapekto sa emosyon. Kapag sinabing “asset” o mga pag-aari, iniisip agad ng ilan ang kanilang unang relo o unang TV at iba pa. Kahit gaano man kaliit, kung may halaga iyon, may kikitain ka pa rin kung ibenta mo.   Gumawa ng plano tungkol sa pagbenta. Siguruhin na determinado kang magbenta. May ilan na ibebenta daw ang mga kanilang mga pag-aari pero biglang magbabago ang isip sa huling sandali. Tandaan na ang mga pag-aari na hindi nagagamit o kaya’y hindi napagkakakitaan ay hindi talaga maituturing na “assets”. Hindi sila makakatulong sa iyong lalo na kung kailangan mo ng cash..

Siguruhing itatabi ang pera. Huwag ito gamitin para igastos sa ibang bagay. Nagbenta ka ng assets para may ipambayad sa mga utang mo, hindi ba? Siguruhin na hindi ka lilihis sa plano.

Tandaan ang G.O.O.D. (Grow Out Of Debt) sa pamamagitan ng DOLP (Dead On Last Payment) ni David Bach. Ibig sabihin nito, gagawin mong priyoridad ang pagbayad sa mga utang mo. Angkop na angkop ito para sa mga taong may maraming credit card. Alamin kung ano ang card na pinakamadali at pinakamabilis na kayang bayaran. Unahin ito.  Sa ganitong paraan, mababawasan ang credit cards na nagpapahirap sa iyo. Dahil sa naging matagumpay ang pagbayad mo sa unang credit card na iyon, manunumbalik ang lakas ng loob at kumpiyansa sa sarili kaya naman magiging mas ganado kang mabayaran lahat ng iyong natitirang credit card.

Kung galing naman sa naluging negosyo ang mga utang, ibang klaseng paraan ang kailangan.  Pag-usapan natin sa susunod na artikulo.

Magpasyal sa www.colaycofoundation.com para sa karagdagang kaalaman.

 

 

Mga Uri ng Gastos na nagdudulot ng Utang (Ika-Limang na Bahagi)

*Unang lumabas sa Bulgar, Hunyo 28, 2012

May ilan sa atin na totoong may pera para bilhin ang gusto nila pero ginagamit nila ang credit cards nila dahil “cool” iyon. Isa pa, may mga points silang nakukuha sa credit card na pwedeng i-redeem para makakuha ng mga nakakatuwang items. Mahusay! Pero kailangan lang siguruhin na isangtabi ang cash para bayaran ang credit card sa tamang petsa at hindi mahuhuli ang bayad. Problema kung makalimutan mo na ginamit mo pala ang credit card at magastos mo ang cash na nakikita mo sa pitaka mo. Kapag nagastos mo ang iyong cash, maghahagilap ka ng pera kapag malapit na ang due date. Ang masama pa, baka lagi mong ginagamit ang credit card mo at hindi mo binabantayan ang iyong mga gastos. Hindi mo mamamalayan na sobra-sobra na ang gastos mo.

Dumadami na ang gumagamit ng credit card para sa automatic na bayad ng mga utility bills, at iba pang buwanang bayarin. Hindi na binabayaran nang cash ang utility bills, at ang cash na naiiwan ay ginagamit sa ibang gastusin. Dahil dito, lumalaki ang panganib na hindi makontrol nang tama ang mga gastos. Magugulat ka na lang kapag dumating na ang credit card bill matapos ang ilang linggo. Kung hindi mo mabayaran ang credit card sa tamang petsa, malalagay ka sa pagkakautang sa credit card at kahindik-hindik ang penalties at interes nito.  Mas mainam talaga na gumamit ng cash kung mayroong panganib na hindi mabayaran ang credit card sa tamang araw. Mas malala kung mawalan na ng kontrol sa paggamit ng credit card.

Kailangan mo ba talaga ng Bakasyon?

Mabuti ang pagbabakasyon at nakakatulong din na pasiglahin ang isip at katawan. Pero nakakatawang isipin na minsan, napakaraming ginagawa tuwing bakasyon kaya kailangan mo pa ng isa pang bakasyon para mawala ang pagod.

Mainam na planuhin ang bakasyon, lalo na kung titingnan mula sa aspekto ng pera. Sa kasamaang palad, minsan ginagamit ang bakasyon para takasan ang emosyunal na pasanin na dulot ng isang malaking problema. Dahil sa pagpapairal ng emosyon, nakakalimutan ang pinansiyal na epekto ng bakasyon at nagagamit nang husto ang credit card. Isa itong malaking pagkakamali.

Huwag na huwag gamitin ang credit card para sa isang bakasyon maliban na lang kung mayroon ka talagang cash na ipambabayad pagdating ng takdang petsa. Tuwing bakasyon, dalhin lang ang cash na nakabudget at iiwan sa bahay ang credit card para hindi ka matukso na gamitin ito.  Kung kasama mo ang pamilya, siguruhin na alam at susundin ng bawat isa ang budget!

Nais mon bang paghandaan nang maigi ang iyong retirement? Sumali na sa ‘ming mga sa Hulyo 20, 2013: Pisobilities for Retirement at INVESTability: Mutual Funds. Bisitahin lang ang www.colaycofoundation.com para sa karagdagang detalye!

Mga Uri ng Gastos na Nagdudulot ng Utang (Ika-Apat na Bahagi)

*unang lumabas sa Bulgar, Hunyo 21, 2012

Magsawalang-bahala na lang kaya!

Marami ang nagsasabing lalong nagiging mahirap ang buhay habang dumadaan ang panahon. Pero siyempre, marami ring magandang pagbabago ang nanaganap sa paligid natin. Pero nagbubulagbulagan ang ilan sa atin sa mga ito. Puro na lang problema ang nakikita nila sa ating bansa at sa daigdig.

Kahit noon pa man, nariyan na ang pesimismo sa mundo. Nagsimula ito sa ahas na siya mismong demonyo ng Hardin ng Eden. Nilinlang ng ahas si Eve na hindi sila magiging masaya kung hindi nila kakainin ang ipinagbabawal na prutas. Sa madaling sabi, nakumbinse sila ng ahas na magsaya habang pwede pa. At ito ang simula ng totoong kalungkutan.

Ngayon, napakaraming problema sa politika na hindi naaayos. Naglipana rin ang panlilinlang sa kalakalan ng mga bangko at pagpapautang. Parang hinihila pababa ng mga politiko ang ating bansa at ang mundo. Posibleng mawalan ng halaga ang ating pera sa hinaharap. Posibleng maglaho ang savings natin kung biglang magsara ang isang bangko. Posible ring mawala ang investment na nakalaan sa pag-aaral ng mga anak natin dahil sa isang stock market crash o dahil sa biglang pagbabago ng patakaran ng gobyerno. Kung ganito lang din naman… bakit pa tayo mag-aabala na mag-ipon at maghanda para sa kinabukasan? Mabuhay sa kasalukuyan. Pagkagastusan alin man ang gusto natin. Ipagsawalang-bahala natin ang kinabukasan.

Mali ang ganoong pag-iisip! Ganoon tumatakbo ang utak ng taong iresponsable. Kapag natutunan niya ang tama, saka niya malalaman na pagbabayaran niya lahat ng maling kagawian niya. Hindi maganda ang record niya sa mga bangko at credit card. Hindi aaprubahan ang car loans niya, home loan, at kahit anong uri ng loan. Magdudusa ang kaniyang kawawang pamilya, at mapipilitan ang kaniyang pamilya na doblehin ang kayod para kumita ng mas malaki. 

Sa totoo lang, may ibang paraan. May nabasa ako tungkol sa isang tao na nagpasyang “bitiwan ang pera.” Nabubuhay siya sa pamamagitan ng mga tira-tira ng ibang tao. Namumulot siya ng mga bagay na pwede pa niyang pakinabangan. Nabubuhay siya para lang ipakita na pwede namang mabuhay kahit walang kahit anong materyal na bagay. Sa madaling salita, isa siyang pulubi.

Kung ayaw natin maging pulubi, kailangan nating tingnan ang ating bansa at ang buong mundo bilang isang kalahating baso na malapit nang mapuno, at hindi isang baso na kalahati na lang ay mauubos na. Parehong kalahati lang ang laman ng baso, pero nagkakaiba lang ng pananaw kung mapupuno ba ito o mauubos na. Ang totoo, napakaraming oportunidad sa ating paligid at balang-araw, may kukuha sa oportunidad na ito. Kapag optimistiko tayo, hahanap tayo ng paraan para paunlarin ang ating buhay. At habang pinapaunlad natin ang ating buhay, nakakatulong tayo sa ating maliit na paraan para lalong mapaunlad ang ating bansa.

Kung napagpasyahan mong maniwala na uunlad ang buhay, siguruhin na hindi ka magkakaroon ng malaki at walang silbing utang. Sundin din ang prinsipyo ng pag-iipon at pagpapalago ng iyong yaman.

(itutuloy)